ألقيتها في حفل تكريم الدكتور طلال حمود من قبل المهندس الصديق علي حمود
ـ1ـ
لمن علي حمود ناداني
وقللي: تعا تا نكرّم الأحباب
طيور الفرح غنّت ببستاني
بهاليوم لازم ينوفى الحساب
مفضل عليي.. كتير انساني
قيمه وكرامه وتضحيه وآداب
بيلبق إلو.. لو قلت: لبناني
كَوْنين لمن غاب قلبا داب
ـ2ـ
يا ابن الكرم.. انت الكرم كلّو
دكتور طلال حمّود شو بقلّو
كرمال عينو بركّع الأشعار
وجوات قلبي بحفر محلّو
يا علي حمود شو ما صار
العيله العظيمه مجدها علّوا
إسمك إنت بيشع بالأنوار
إسمك "علي" هالإسم شو بجلّو
أحباب إنتو.. بالمحبه كبار
بضحكات حلوه غربتي حلّوا
دكتور طلال الـ فرحتو قنطار
من وجوهكن عم يشتري الفرحه
غلّوا السعر يا حبايبي غلّوا
**
