طفل اليمن مظلوم يا إخوان
متشرّد وحفيان او جوعان
تا نساعدو لازم إيدينا تصير
بيدر قمح ودموعنا طوفان
نامت ع تختو قنابل التدمير
الألعاب صارت بالحرب حجران
سياسات عم تقضي ع طفل زغير
كتروا المصايب والحقد بركان
بيتقاتلوا.. وبيكتر التكفير
كرمال منصب مهتري من زمان
وقدّام عينُن قدس عم بتطير
بإمضا رئيس بيلحق النسوان
ما كان قدر "ترامب" يعمل زير
لو شاف عنّا رجال مش خصيان
فلسطين إلنا.. يخفّف التزوير
فشرت بعينو يوزّع البلدان
يا ابن العرب رح تسمع التحقير
وتخجل بأنك من بني عربان
عشت عمرك ضيّق التفكير
بتقتل بإسم الواحد الديّان
بتهدم مدن.. بتسبب التهجير
شيطان عم بتخوّف الشيطان
بأيّا ضمير بتعلن التكبير
وعم تحرق الأطفال بالنيران؟
ألله ما بدّو أحزمة تفجير
ولا بيفتح الجنّه لبشر خوتان
المؤمن بربّو ما بيرمي النير
ولا بيظلم الإنسان بالأديان
يا دمعة المش لازما تفسير
خلّي الكَرَم يتحوّل لبستان
ومتل الحلم تتطاير عصافير
ومن أرض سيدني نسعف الإنسان
شعب اليمن عم يحصد التعتير
سقفو انهدم وتطاير البنيان
ورافض تا يركع هالشعب الكبير
إلا لـ إلهو خالق الأكوان
متشرّد وحفيان او جوعان
تا نساعدو لازم إيدينا تصير
بيدر قمح ودموعنا طوفان
نامت ع تختو قنابل التدمير
الألعاب صارت بالحرب حجران
سياسات عم تقضي ع طفل زغير
كتروا المصايب والحقد بركان
بيتقاتلوا.. وبيكتر التكفير
كرمال منصب مهتري من زمان
وقدّام عينُن قدس عم بتطير
بإمضا رئيس بيلحق النسوان
ما كان قدر "ترامب" يعمل زير
لو شاف عنّا رجال مش خصيان
فلسطين إلنا.. يخفّف التزوير
فشرت بعينو يوزّع البلدان
يا ابن العرب رح تسمع التحقير
وتخجل بأنك من بني عربان
عشت عمرك ضيّق التفكير
بتقتل بإسم الواحد الديّان
بتهدم مدن.. بتسبب التهجير
شيطان عم بتخوّف الشيطان
بأيّا ضمير بتعلن التكبير
وعم تحرق الأطفال بالنيران؟
ألله ما بدّو أحزمة تفجير
ولا بيفتح الجنّه لبشر خوتان
المؤمن بربّو ما بيرمي النير
ولا بيظلم الإنسان بالأديان
يا دمعة المش لازما تفسير
خلّي الكَرَم يتحوّل لبستان
ومتل الحلم تتطاير عصافير
ومن أرض سيدني نسعف الإنسان
شعب اليمن عم يحصد التعتير
سقفو انهدم وتطاير البنيان
ورافض تا يركع هالشعب الكبير
إلا لـ إلهو خالق الأكوان
