ختيار بعمر التسعين
عم بيبصّر بالفنجان
أعزب.. ما تجوز تخمين
مأضرب عن جنس النسوان
وبعدو بيحلم بالحلوين
بالخدود وبالسيقان
قللي: تطلّع ع اليمين
دربي مسهّل ع الأوطان
وضحكة حلوه بالعشرين
شفّاف كتير الفستان
أبيض بلون الياسْمين
وشفافا زهر الرمان
بعدي ناطر.. ألله يعين
يرزقني بنات وصبيان
يعبّيلي البيت تلاحين
ومليون صوره ع الحيطان
ختيار.. مركعتو سنين
وبالفرحه عمرو مليان
وأنا اللي بعمر الستين
وجي من حالو فزعان
قلت لحالي: يا مسكين
هالختيار البالتسعين
ماشي للموت وفرحان
