انتهت المرنمة ميرنا نعمة من ترجمة ديواني "الغربة الطويلة"، فأحببت
أن أشكرها بهذه الأبيات:
ـ1ـ
ميرنا نعمه!.. شو رح قول
تا إشكرها، وشكري يطُول
الغربه المزروعه أشواك
محيتها.. وضحكت الحقول
غنّت شعري.. قلت: ملاك
وبالترجمه.. مش معقول
فتحت بالعتمه شبّاك
نورو بيسوسح العقول
ـ2ـ
يا ميرنا عدّي الإيام
الـ ترجمتي فيها الأشعار
بتتجمّع كل الأحلام
الـ بتخلّينا نصير كبار
يمكن عينينا ما تنام
ويمكن نقلق ليل نهار
لكن بدموع الأقلام
منرسم دنيي من الأزهار
بتتشاوف فيها الأعلام
ومنسكنها كبار زغار
**
