يا مية أهلا بطلّة "فرانسين
فيرونيكا".. الإسمين شو حلوين
لمّن ضحكلا جرن العماده
لمّن ضحكلا جرن العماده
بيت البعيني زلغط الآمين
هيدي مَلاك جديد يا بلادي
هيدي مَلاك جديد يا بلادي
هيدي بنت أحباب مغتربين
بيّا عطاها اليوم زوّاده
بيّا عطاها اليوم زوّاده
الإيمان عندو مجد قديسين
ولورين إمّا بتعبُد عْباده
ولورين إمّا بتعبُد عْباده
شربل ورفقا ونور من حردين
يا مجدليا رتّلي زياده
يا مجدليا رتّلي زياده
الْمَيْرون بَدّو أجمل تلاحين
قولي يا عدرا خلّصي ولادي
قولي يا عدرا خلّصي ولادي
هالكون كلّو زمرة شياطين
"فرانسين" صوت البلبل الشادي
"فرانسين" صوت البلبل الشادي
عاشت حياتا بين الحساسين
حسّون إسمو "بول" بينادي
حسّون إسمو "بول" بينادي
"باتريك" يا خيي حضّر فساتين
فستان أصفر دايرو رمادي
فستان أصفر دايرو رمادي
وفستان زهري شغل البساتين
الأخت الزغيره إخدت شهاده
الأخت الزغيره إخدت شهاده
متل أرزه شامخه بصنين
تعمّدت.. تا تفرِّح الفادي
تعمّدت.. تا تفرِّح الفادي
وصارت مسيحيه القلب والدّين
وع المعموديّه بيشهدوا محبّين
**
وع المعموديّه بيشهدوا محبّين
**
